اللهم يامعلم ابراهيم علمنا ويامفهم سليمان فهمنا .. اللهم امين

قبل ثلاث سنوات كنت طالب في جامعة الامام محمد بن سعود الاسلامية في الرياض .. ومثل اي طالب في الجامعة كان الحماس البرمجي عندي كبير ابغى اتعلم البرمجة واكون محترف بشكل كبير حتى اني انافس المبرمجين الكبار في العالم. في ذيك الايام كان عندي طموح وشغف اني اكون مبرمج iOS فكنت ابحث عن جميع المصادر الممكنة حتى اكون مبرمج متمكن. طبعا بعد ثلاث سنوات من التعلم والممارسة حبيت اني اشارك الجميع بالمصادر اللي تعلمتها خلال الثلاث سنوات الماضية بالاضافة الى المهارات الاساسية حتى تكون مبرمج iOS متمكن وراح نبداها بشكل متتالي :

1- اللغة الانجليزية : اعتقد ان السبب الاول اللي يخليك تقدر تتعلم البرمجة في هذا الزمن هو اللغة فبقدر ما تكون لغتك ممتازة بقدر ما تتعلم البرمجة عموما و iOS خصوصا بشكل اسهل واسرع مما كنت تتصور.

2- الأساسيات البرمجية : انا في مقالي هذا راح افترض انك عندك الاساسيات البرمجية المعروفة ومو شرط انك ممتاز فيها مرررررره لاننا مع الوقت راح نتعلم اشياء جديدة واساليت برمجية جديدة ماكنا عارفين عنها شي من قبل. في المدونة راح نشرح الكثير من الاساسات البرمجية وبعدها راح نتطرق للـ iOS باذن الله.

3- Object Orinted Programing : ما راح اترجمها 😄. والهدف من الفكره اني ماأترجمها ولا راح اترجم كل المصطلحات العلمية او البرمجية بسبب اني ابغى القارئ يبحث عنها في الانترنت ومن خلال البحث راح يتعلم اكثر من اللي اكتبه ومن اشخاص مبرمجين افضل مني بمراحل. الـ Fremeworks الموجودة في الـ iOS أغلبها مبنية بمفهوم Object Orinted وراح تشوف اغلب Ojbect صاير لها Inhertance من Parent Classes فتاخذ معاها Properties و Functions الموجودة في classes اللي فوق. فاذا شايف نفسك مو فاهم وش Object Orinted كمفاهيم فا أنصحك تقرأ عنها قبل ما تبدى في تعلم برمجة iOS. ان شاء الله في المدونة راح اشرح Object Orinted قبل لانبدى في iOS.

4- المصادر : راح اطرح في هذي النقطة كل المصادر اللي تعلمت منها برمجة iOS واللي اتمنى انها تكون مفيدة مره لكم :

            4.1- جامعة Stanford : تقدم جامعة Stanford كل سنة كورس في تعلم برمجة iOS اعتبره في رأيي الشخص من اجمل واروع الكورسات اللي ممكن تتعلم منها برمجة iOS. قدموا السنة الماضية كورس البرمجة للـ iOS باستخدام لغة ابل الجديدة Swift طبعا مقدم المادة يعتبر من المهندسين اللي اشتغلوا مع ستيف جوبز في شركة Next Step فلايفوتكم الكورس. مرررررررره خطير.
رابط الكورس : Developing iOS 8 Apps with Swift

            4.2- مدونة ابل : اصدرت ابل مدونة برمجية خاصة بلغة Swift بعد الاعلان عن لغة Swift. المدونة جميلة تحوي عدة مواضيع عن لغة Swift بالأضافة الى source code.
رابط المدونة : Swift Blog

            4.3- موقع Raywenderlich : هذا الموقع يعتبر من افضل المواقع لتعلم برمجة iOS. الموقع يحوي على الكثير من الدروس والاقسام الخاصة بتطوير iOS للمتقدمين والمبتدئين في برمجة iOS. لايفوتكم ابدا هذا الموقع.
رابط الموقع : Raywenderlich Site

            4.3- موقع objc : هذا الموقع يعتير من المواقع المتقدمة في تعلم برمجة iOS حيث يقدم الكثير من المواضيع المتقدمة في برمجة iOS الموقع الف كتابين من اروع الكتب في البرمجة على منصة iOS وهي : Functional Programming in Swift Language and Core Data
رابط الموقع : Objc.io Site

5- الاجتماعات التقنية (Meetups) : يقام في سان فرانسيسكوا ولندن الكثير من الاجتماعات التقنية بين فترة واخرى فمعرفة المطور بهذي الاجتماعات و مشاهدته لها تزيد من تطوير مهاراته التقنية والبرمجية في iOS او في اي مجال اخر. من اشهر الاجتماعات التقنية الموجودة حاليا واللي اتابعها بشكل مستمر هي كالتالي :
            5.1- Swift Meetup في سان فرانسيسكو
            رابط الموقع : San Francisco Meet up

            5.2- Swift Meetup في لندن
            رابط الموقع : London Meet up

6- اقرأ أكواد لمشاريع برمجية مفتوحة المصدر : فيه مواقع كثيرة في الانترنت تقدم مشاريع برمجية مفتوحة المصدر لمنصة iOS من خلالها بامكانك قراءة كيف المبرمجين المحترفين يكتبون اكوادهم بشكل احترافي وتتعلم من هذي الاكواد وبامكانك استخدام هذي الاكواد في مشاريعك البرمجية بدلا من كتابة الاكواد من الصفر. اشهر مثال على مشاريع برمجية مفتوحة المصدر خاص بـ
Custome View or Cutome View Controller للـ iOS هو موقع : cocoacontrols .

اتمنى اني من خلال هذي التدوينة البسيطة وصلت لكم فكرة مبسطة عن كيفية البداية في تعلم البرمجة على منصة iOS. اتمنى انها مهدة لكم الطريق على الاقل في معرفة اهم المصادر العلمية اللي ممكن الواحد يتعلم منها في البدايات.